穴

今個月好多好友生日, 所以飯局亦多了好多,  今次我們的選擇地點係奧海城.  事前並沒book 位, 朋友話隨意見到咩才決定食咩, 而最後佢選擇了”穴”作是日晚餐, 可能係閒日, 人都唔係好多.  裝橫以木為主, 好和色感覺, 而且坐位寬闊,

首先來過燒河豚魚乾&章雄魚薄切柚子酢沙律, 燒河豚魚乾ok, 唔會好似有d 餐廳燒得乾如柴, 而這個剛剛好. 而章雄魚薄切柚子酢沙律, 刺身新鮮, 連沙律菜加柚子汁, 非常醒胃.

另外我兩叫了牛肉露荀卷&燒牛肋骨串燒, 估唔到佢地在這方面咁講究 – 當上串燒時附上3種鹽給你選擇, 包括喜馬拉雅山海鹽, 柚子鹽及綠茶鹽, 另外還送上一個杯給吃完放竹籤.

木魚糸炸豆腐沒什麼特別

牛油果軟殼蟹賣相好吸引, 味道不錯, 不過d 飯鬆了少少.