九重鮮

早排忙完屋企野，係時候出來搵下野食，輕鬆下。今日來到大坑，見到最近好想試的海鮮塔，就俾佢深深吸引左入去，餐廳環境給我好cyber感覺，以銀色為主, 有個好大的魚缸-放有大產海鮮.

由於食lunch，食唔到咁多野，我同先生只係一人叫咗一個九重蒸午餐。

我兩叫了韓式牛肋條烏冬，海鮮湯原個番茄飯，每個餐都配有特色蔬菜盤跟韓國泡菜年糕，由於先生鍾意人蔘雞湯底，我當然尊重佢啦.

首先侍應把人蔘雞湯餡料放爐最底層，上面再加蒸格，開爐後好快送來陣陣雞湯的香味，之後再把烏冬，飯, 特色蔬菜盤 & 韓國泡菜年糕全部放在海鮮塔去蒸，好緊張好緊張呀。

人蔘雞湯餡料

特色蔬菜盤 & 韓國泡菜年糕

一切準備好，侍應就把枱上的漏斗反轉，漏斗一漏完侍應好快過來續一把食物取出，還好細心建議我們先食瓜菜才吃泡菜，這樣更加可吃出真正的原及新鮮味。

的確蒸出來的木瓜，番薯跟南瓜都好有本身的清甜，而肉子亦比想像中甜。

食完瓜菜，來到主菜，韓式牛肋條烏冬，濃郁惹味，肉質鬆軟，肥瘦適中，而海鮮湯原個番茄飯，更加精彩，廚師好細心，把飯釀在個番茄裏面，加上海鮮湯去蒸，甚有水準，值得推介。

韓式牛肋條烏冬

海鮮湯原個番茄飯

最後我倆當然KO埋人蔘雞餡料及湯底，睇下裡面餡料幾足，真係有人蔘紅棗，雞內還釀入糯米。

食完之後我決定下次一定要帶媽咪你試吓。