Green Orange

因為屋企最近發生了一些事，所以今年先生生日，我都沒刻意四處找好嘢食，只係簡簡單單係屋企附近找一間餐廳慶祝。

雖然係樓上餐廳，一出lift 就見到人手寫及畫嘅餐廳招牌，非常有特色及親切感。

 至於餐廳嘅裝修，都非常簡潔，枱沒有排都密質質，感覺舒適。

打開Menu， 才發覺忘記print open rice coupon ，但叔叔好好人，佢叫我打開電話俾去睇，都比返9 折我，真係要俾個like佢 

我們叫了黑松露麵包蟹意大利飯 & 燒西班牙黑毛豬2個套餐。

套餐包煙三文魚沙律or 南瓜忌廉湯, 我倆各叫了一個share。 而南瓜忌廉湯，夠熱，且偏重忌廉味，我喜歡。

在上菜前先來餐包，但餐包並沒烘熱，一向愛吃包的我有點唔開心。 

可能人手不夠，上菜比較慢，見到黑毛豬有一定厚度，肥瘦適中，以我經驗，要煮得不煙靭，有一定難度，而這個煮得剛剛好, 所以等耐一點都可以接受。 

廚師好細心咁慢慢將蟹肉拆開，再把楊蔥，忌廉及芝士加入意大利飯入面慢慢餚製，味道非常香濃，雖然好好味，但食兩口巳有飽肚感覺，好在先生永遠是我 back up.  

最後送上Chocolate brownie ，雖然我不太愛甜，不過這個朱古力味濃又不太甜，剛剛適合我。

Bo-lo'gne

有一段時間沒來這間餐廳、今天發現這裏竟然推出好抵食的下午茶餐，一共有九個選擇，一於入去試吓。

我同先生一共叫咗兩個Tea Set, 加薯條拼炸一口雞球。

因為我倆有少許肚餓，又想食得飽，又想要小食，又想吃甜品， 所以我倆叫了一個拿破崙意粉，薯條拼炸一口雞球及蜜糖雪糕。

拿破崙意粉還配上蒜蓉包，意粉熱辣辣，肉汁亦足夠加上我倆都好肚餓，覺得特別好食。

之後來個薯條拼炸一口雞球，分量好明顯比之前細左，先生就好鍾意，而我就覺得有少少騷味。

最後蜜糖雪糕出場了，這間餐廳嘅麵包係自家製嘅丹麥方包，所以外脆內軟，特別好味，每次切一細件加一啖雪糕，yummy. 

重一人一杯凍飲, 先生話咁嘅價錢，食到咁樣嘅水準， 真係好抵。

南小館

星期六晚上, 有一些事要去旺角處理, 先生話想食上海野, 所以去了南小館搵食.　　因為時間尚早(沒夠7:00pm), 而且我們不介意搭枱, 所以馬上有位.

我兩今天叫了 – 南小館四小拼, 老上海酸辣湯, 排骨湯麺, 蒜蓉菜芯及金鋼生煎窩貼.

好快先來一個南小館四小拼 – 我個人覺得烤夫有小小油昧, 涼拌彩絲小小辣

糖醋排骨及花雕白雞味道可以.

南小館四小拼

老上海酸辣湯 - 辣味比較少及味道偏酸

老上海酸辣湯

排骨湯麺 - 排骨香口惹味, 麺質適中

排骨湯麺

 金鋼生煎窩貼 - 夠肉汁及金鋼夠脆, 但窩䀡皮厚了一點

金鋼生煎窩貼

如果只係醫肚, 這個價錢及地方是可以的選擇.

滋味廚房

唔知點解最近久唔久都想食下辣野，今日見完客經過上環，記得之前有朋友介紹"滋味廚房"，於是約埋先生一齊去試吓。

餐廳嘅裝修比較簡潔，侍應亦都好有禮貌。

是日我倆叫了番茄湯，尼泊爾咖哩雞，蒜蓉辣蟹加兩個烤餅（蒜茸烤餅&洋蔥烤餅）

Order 完，侍應姐姐馬上送上香辣脆餅加兩個醬汁，一個係酸甜䤗另一個係薄荷，餐廳的薄荷汁好特別，初初係薄荷味，跟住慢慢在口腔滲出微辣，我都係第一次食薄荷汁有這感覺. 

番茄湯應該是經過廚師特別處理，入口好滑溜。

餐廳對時間的管理好好，因為餸菜唔係煮好邊樣上邊樣， 而係全部菜式一次過上枱，而餸菜上枱的時候仍保持適合食用的溫度，我好鍾意這個上菜方式，因為可以食乜嘢就夾乜，不用等來等去。

至於尼泊爾咖哩雞，同我哋平時食開嘅咖喱唔同，除咖喱外, 佢哋用咗好多不同的香料及香草去煮，肉質亦相當鮮嫰。

 尼泊爾咖哩雞

初初見到餐牌，蒜蓉辣蟹有三隻辣椒，都擔心會食唔到，估唔到食落無想像中咁辣，我唔係一個食得辣的人都可以接受，相信係因為印度嘅煮法，並唔係只係得個辣，而更重要的係香辣，識得食嘅人，這一點已經值回票價。

蒜蓉辣蟹

至於烤餅, 我個人就鍾意大蒜味多d，非常香口。

吃完這一餐，確定印度野唔只係適合愛吃辣的人，不愛辣嘅人都值得來嘗試一下架。

OPPA KOREAN RESTAURANT

一個月時間，有d人可能覺得好快過，但係對於一個冇做開家務既人來講，做一個月家務實在太漫長，而我終於都等到姐姐放完假返來了，所以決定出去走走順便食返餐。

在太子同旺角附近，我們四個行得倦倦地又有一些肚餓, 因為好耐都冇食過韓國燒烤, 剛剛又見到OPPA KOREAN RESTAURANT, 所以決定去試一下。

入到餐廳，見到裝修， 感覺係屬於新派韓國燒烤。

我們一坐下，侍應就把前菜送上包括芽菜，泡菜, 白蘿蔔等等，當然唔少得大醬, 燒汁, 蒜片及生菜. 另外還將切細的泡菜放及蛋汁放在燒爐上，餐廳仲好體貼咁送上麥茶作清熱氣之用，同前菜一樣，是係無限添加的。

這晚我們叫了安格斯肉眼, 西班牙黑毛豬拼盤, 雞肉, 石窩雞肉伴飯, order 完後,  服務員馬上幫我們開爐煮蛋, 不一會泡菜蛋便完成, 我都係第一次食, 而這個配搭好夾, 我好鍾意。

安格斯肉眼, 它們只用了少量鹽及胡椒去調味, 由於食材新鮮, 肉質亦肥瘦適中, 故入口即溶. Yummy。

西班牙黑毛豬拼盤, 裡面包括西班牙黑毛豬鞍, 黑毛豬肉眼&三味豬腩卷, 三味豬腩卷好特別, 用了不同調味料去調味,  顏色都相當吸引,  而拼盤中我最愛黑毛豬鞍, 餐廳用了燒汁調味, 雖然燒的時間不短, 但上桌仍非常嫰滑, 十分美味。

石窩雞肉伴飯, 餡料十足, 飯粒軟硬適中, 非常惹味。

雖然感覺係新派韓燒, 但食材非常新鮮, 這樣的價錢, 實在係抵, 所以我們吃完門口已好多人排隊了,  實在值得推介 。