愛吃的小傢伙: 10月 2015

2015年10月25日星期日

Rang Mahal

最近成日想食少少辣野, 經朋友介紹下, 今天跟奶奶一起去中環一間傳統印度餐廳食咖哩, 一入餐廳，已傳出陣陣的氛香的咖喱味, 而餐廳的裝橫亦好有印度風味.

在上菜前, 侍應便送上薄脆餅及3種 source - 羅望子醬, 薄荷乳酪, 鹹辣醬. 雖然想食辣又唔可以太辣, 所以我個人覺得薄荷乳酪配上小辣的薄脆餅味道好夾.

首先送上烤魚塊(Fish Tikka), 來到的時候連鐵板燒一起上, 斑塊燒得表皮略帶焦黑，外微脆內香軟, 除了一股炭燒香味, 還感到輕微的煙燻味，起初擔心怕腥的 Mr. L 吃不到, 點知佢OK, 而且吃了2件.

我們亦叫了芝士燴菠菜茸, 其實我都有d怕佢好漏, 點知芝士做到好似豆腐的口感, 而且不膩, 雖然我不太愛吃菠菜, 但這個跟平日的煮法好不同, 好入味, 又ok 喎

原來傳統印度餐廳除辣咖哩外, 亦有好多少辣的汁, 而侍應介紹了我們白腰果汁(Korma)咖哩雞, 果然只係微辣, 雞亦非常嫰滑, 配上烤餅, 好好味呀.

Samosa 即咖哩角, 皮帶點酥香，脆得黎不易碎，食出裡面有薯蓉、咖哩、綠豆、仲有薯仔粒，充實了成個餡料，微辣帶香口，而且內外都夠晒熱辣辣。香口，不過有飽肚feel。

番茄湯給我的感覺酸酸甜甜，好開胃

奶奶就話海鮮湯有蝦,偏辣

當然唔少得烤餅, 我們叫奶油，洋蔥，蒜蓉各一, 面烘得少少脆, 熱辣辣又鬆化, 果然係我的至愛, 我個人比較喜歡洋蔥，蒜蓉, 係睇下真係好多洋蔥呀.

瑪沙拉(Masala)咖哩茄子, 用多種不同的香料及酸乳酪去做個汁加上茄子, 茄子吸收所有精華，非常入味好吃.

食完這一餐後, 我實在對正中的印度咖哩加深了認識, 有機會一定要帶愛吃咖哩的nephew來試下.

2015年10月22日星期四

潮樂園

今日經過北角, 見到潮樂園, 因有一段時間沒吃潮州野, 於是跟Mr. L入去試下.見到店內有新推介, 似乎好吸引, 一於品嚐一下.

在用歺前, 送上花生小吃, 好脆, 香口惹味, 好明顯係新鮮炒的.

先來一個胡椒豬肚湯，除胡椒, 鹹酸菜, 豬肚外, 還加了薑, 湯好夠味，相信洗豬肚時非常用心, 並沒有異味, 口感亦適中, 不會太硬或太腍.

吃潮州野, 當然唔少得滷水野啦, 我們叫了最愛的鵝片&豆腐, 鵝片又腍又薄, 不會太膩, 豆腐好滑而且好味道剛剛好.

因我兩每餐都必須要吃菜, 起初打算叫一個油菜, 不過老闆建議我們試一下春菜燒肉, 我兩當然不會SAY NO 啦, 它的外觀及味道是好典型的打冷食品, 不過是暖的, 老闆話中午炆完，keep warm 至晚上吃，所以非常夠味, 可能係用燒肉去煮, 我個人覺得淡一點比較好

一向愛吃糖醋麵的我, 見到店內有這供應, 當然不會放過, 我覺得味道有大酒樓的水準, 可能我愛吃香口野, 所以覺得如果麵可以再炸脆一點會更好.

蘿白味道清甜又沒有渣，豬皮夠腍, 加上少少辣椒, 好醒胃

總括來講, 餐廳價錢大眾化, 味道亦有一定的水準, 而且老闆好細心, 有好多款式都有size 之分, 對我兩口子來講, 可多叫幾個選擇.

2015年10月11日星期日

The Live House

今天同Mr. L 及外甥去旺角買野, 經過彌敦道, 又差不多係醫肚時間, 見到這間地庫餐廳有Live Band, 即比深深吸引了入去, 由於我們太早, 今天與 Live Band 無緣.






我們叫了一個精選2人晚餐 + 升級優惠(一口黑椒牛肉粒), 另多叫一個辣肉腸 Pizza($108)  






是日餐湯係農夫什菜湯，非常足料, 還配上脆脆的麵包條











前菜我們叫了日式炸餃子&豬仔骨配蜜糖雞翼, 我都係第一次品嘗炸日式餃子, 初時有點擔心, 好在炸醬不厚, 所以並沒油膩感覺.  而豬仔骨有點煙燻味，甜甜酸酸的, 非常開胃. 
至於雞翼就皮脆內嫰.











升級優惠(一口黑椒牛肉粒), 比預期中大碟, 用了洋蔥黑椒汁去煮, 濃郁惹味, 而牛肉粒完全無雪藏味,
一咬下去, 非常 juicy, 還有香口的薯角托底, Yummy.   由於Mr. L 及外甥都係愛牛之人, 佢兩個幾乎沒有停過的便把它吃完了.







香煎西班牙黑毛豬, 扒身厚厚的, 分量都不算細, 肥廋平均, 亦煮得恰當, 如果多一些汁會更好, 好彩今天3個人一起
share, 否則我一個吃完都9成飽, 正所謂小食多滋味, 而且每樣食少少才可叫更多的選擇 ma.











特色卡邦尼意粉, 意粉軟硬適中, 而且彈牙, 加上煙肉，磨菇，上桌時好香, 餡料及醬汁十足, 而又不會另人有滯的感覺, 我好喜歡.









辣肉腸 Pizza, 辣肉腸的切法是一粒粒, 跟出面的片狀不同, 吃起上來, 好特別.






最後還在青蘋果紅茶及木糠布丁,  青蘋果紅茶真係有好香的青蘋果味, 好清甜. 好滿足, 好滾動呀.








 
下次一定要選有 live band 的時間再來一次, 因我本人好愛 live band, 而且還見到餐牌上有一些好給引的甜品.  Hehe!