Hello Kitty 中菜軒

哈哈, 估唔到我竟然來這裡用餐, 因為我由細到大都無話對什麼公仔有特別喜好, 不過係老死Big date, 而且佢又好like, 我呢d一定樂意相隨.  一到餐廳門口, 第一個感覺係, 唔係咁爆, 點解要分2場 book 位, 而且咁細既, 跟我想像中似乎有些出入. 而裝橫當然係以主角為主啦, 不過對我來講沒什麼特別.

而食物方面, 我們叫了3個點心, 3個小炒

流沙奶黃包 – 味道都唔錯, 而且真係好流沙

蝦餃 – 皮沒特別薄, 不特別出色, 但當然佢的外觀係比出面的酒樓吸引啦

叉燒酥 – 都算鬆脆, 都ok

我們見好多食評都話秘方咕嚕肉好食, 我們都叫了一個, 果然沒另我們失望, 放了一段時間都好脆

至於Hello Kitty 生炒糯米飯&南瓜甜豆炒什菌就真係一般, 最失望係Hello Kitty 生炒糯米飯一d 都唔似 Hello Kitty

由於我地唔想四處走, 結果我們都叫了兩個甜品, 不過都真係好一般.

對我來講, 由於沒什麼特別起好, 而且食物不太出色, 如果用價錢去衡量就似乎貴了點, 所以試一次便夠.

Vision 8

姐姐放假, 我當然偷下懶啦, 聽聞荃灣有間西餐廳, 什有水準, 我當場同Mr. L, 約埋媽咪去試下啦.

我們到達的時候大概6:45pm, 當時人不算多, 不過坐下坐下7:15 都9成滿. 雖然餐廳不算大, 但裝修得好舒適, 而且張椅子好舒服(可惜我忘了拍照) 不過這就是老闆的細心啦.

是日餐湯為椰菜花忌廉湯, 在外面的餐廳, 好少有這個湯, 湯內有煙肉粒, 椰菜粒, 味道都幾夾.

Mixed Vegetable Salad –菜好新鮮, 加上黑醋及橄欖油, 酸酸甜甜, 簡直係我杯茶.

先來個 Pizza, 餅底屬於薄脆這種, 而且火喉控制得好好, 雖然餡料簡單, 仍然發揮得到佢的特色。

之後來過野菌黑松露菌燴意大利飯, 飯粒軟硬適中, 野菌黑松露菌香濃, 好味.

到了主角, 燒英國豬肉眼扒, 肥瘦適中, 肉眼扒雖然很厚身, 但廚師把它的外層燒得焦香, 內層切開後剛剛好, 肉質鮮嫩, 而且配菜同樣做得出色, 推介之選.

最後我們叫了2個特飲 share, Mangocello & Strawberry Field, 估唔到 Strawberry, Banana + Apple Juice 係咁夾的, Yummy. 

食完之後, 果然覺得食物及味道好平均, 什有水準, 是值得來品嘗的餐廳. 

赤山

新蒲崗這個地方對我來講算是陌生, 由於現在的樓市高企, 好友為了meet budget, 於是選擇了在這裡置業.  而我當然去 housewarming 一下, 之後朋友介紹一起去附近的日本餐廳食放題.  我這個為食的人, 當然唔會 Say No 啦.(Hehe!)

餐廳位置雖然在廣場2樓的角位, 但都好容易搵, 而佈置以簡單為主.  

由於我兩吃過早餐便沒有其他, 當待應話第一round 刺身他們會代為安排時, 我兩即舉腳贊成. 然後馬上再選擇放題紙上的食物.   

刺身一上檯, 我兩嘩了一聲, 估不到有咁多款式, 而且都好新鮮, 我最喜愛帶子. 

茄子及南瓜天婦羅, 脆醬很薄, 外脆內軟, 食起來不會油膩.

蒜片一口牛跟其他餐廳有點不同, 他們在蒜片及牛肉粒上加了黑椒汁, 所以食起來好 juicy 及惹味.

朋友在不小心下 tick 了芝士茄汁焗餃子, 上檯時有點意下, 但既然來到, 不要浪費, 而它卻給我

兩出在乎以外的驚起, 芝士不會太溜, 茄汁好入味.

蝦兵蟹蓋內有釀了蝦肉，薯仔，紅蘿蔔，芝士，焗得面層焦焦的，非常特別.

而火焰三文魚亦好好味, 面層暖暖的, 入口即溶, Yummy 

除了一般放題食品外, 餐廳還好細心在入口處放了不同的小食, 甜品, 雪糕及飲品等等,  在離開時才發現對面還有兩個店舖, 而且都坐得滿滿的.  

總括來講, 食物種類多, 刺身新鮮, 價錢合理, 所以值得推介.

濤

約了朋友食飯, 佢推介佐敦 “濤”日本料理, 愛吃新嘗試的我, 當然無問題啦.  餐廳的裝修簡潔幽雅, 給人舒適的感覺. 

估唔到我地咁大食, 連飲品我兩個一共叫了10樣野.     白貝清湯，裡面包括鮮冬菇，紅蘿蔔，非常清甜.

刺身拼盤包括劍魚腩, 吞拿魚腩, 深海池魚, 牡丹蝦, 個拼盤超新鮮又肥美, 吞拿魚腩入口即溶, 我覺得刺身的質素有機會好過日本築地市場的料理餐廳.  另外廚師亦好創新咁把深海池魚配上豉油啫喱取替豉油，效果跟豉油差不多, 兩樣加起, 口感非常豐富.  好開心呀. 

芝士豆腐雞翼的配搭亦好夾, 芝士同豆腐加在雞翼內令雞肉更加嫰滑 

至於串燒, 我們order 左煙肉荔枝, 黑豚肉港島蠔 & 鴨胸青椒, 煙肉荔枝入口非常清新, 完全沒有油膩感覺, 黑豚肉港島蠔好新鮮又肥大, 鴨胸青椒的青椒仔好爽口, 味道好夾.

應該係我們一下子叫得太多, 吃得又不夠快, 所以蒜片牛肉粒沒有一上枱即吃, 食的時候蒜片仍然香口惹味, 不過牛肉粒有點凍, 好在廚師煮得剛剛好肉汁仍然保留得到, 如果我們一上枱即食, 一定更加好味.

蟹肉脆麵配蟹肉忌廉汁, 給我fusion的感覺, 食的時候發出卜卜脆的聲音. 

胡麻露荀蕃茄沙律, 清新開胃

壽司拼盤, 有海膽, 佐口魚, 三文魚加魚子, 茄子, 鰻魚 & 火焰蝦, 唔駛多講餐廳的刺身咁頂級, 壽司又點會遜色呢.  Yummy.   

這裡無酒精飲品亦好有特色, 提子乳酸, 蜜桃梳打, 青蘋果梳打 & 巨峰提子梳打等等, 我個人一向比較喜歡蜜桃, 我當然叫一個蜜桃梳打來試下啦, 果然係有甜甜地的蜜桃香, 我喜歡.

總結來講食材非常新鮮,  質素好比大酒店的水準, 我下次一定要同我的至愛再來品嚐.