Angelini 意大利餐廳

又到4朵小花其中1朵花的生日, 今次我們選擇了尖沙咀 Angelini 意大利餐廳中的 Semi Lunch Buffet.  假日的中午, 安排了坐在窗邊, 跟好友聚一聚, 非常寫意.

Semi Buffet 包括不同種類的Salad , 火腿, Cheese & Dessert

先來講下 Salad bar, 選擇都非常多 – 魷魚沙律, 磨菇沙律, 椰菜火腿沙律, 薯仔沙律, 八爪魚沙律, 西蘭花沙律, 焗蘋果沙律, 蝦沙律, 烤茄子, 煙三文魚等等, 醃鯷魚,  甜黃椒及組椒, 苦白菜沙律.  由於種類太多, 我已盡量每樣試一口, 整體對 Salad Bar 的 comment 係不錯, 全部的食材都新鮮及好味, 比較特別的就係苦白菜沙律, 但我最喜歡則是醃鯷魚, 味道酸得來味道又剛剛好, 又開胃, 而且唔係隨便吃到. 

除了 Salad bar, 還有各類的火腿, 包括巴馬火腿配蜜瓜, 意大利沙樂美, 意式 肉腸, 芝士拼盤, 巴馬芝士, 而我至愛就係巴馬火腿配蜜瓜, 巴馬火腿好幼嫩, 入口即溶, 所以我食了好多.

是日餐牌

在Main course 前有不同的麵包, 沒什麼特別, 而今天是甘筍湯, 濃郁的金荀味及豐富的質感, 由於心急卻忘了影相.

今次我們叫了4個不同的 Main course, 為求親身感受一下各款的味道, 互相都分了一點來品嚐.

烤鱸魚柳件意大利青瓜, 番茄及芹菜頭蓉 - 外觀好吸引, 因為佢係煎, 魚肉不夠滑, 而味道則沒什麼特別.

燒鴨胸伴紅洋蔥蓉及嫩甘筍 -  外觀非常精緻, 不過鴨胸份量比較細,  加上我們要一起分享, 所以感覺好似五餅二魚似的.

意大利扁身麵伴龍蝦 - 扁身麵一吃便知是hand make, 好煙韌,  我喜歡, 但龍蝦的肉煮得熟了點, 汁是夾的.

烤牛肉眼扒, 青菜沙律及黑醋汁 - 烤出的牛肉好香, 味道亦OK, 朋友叫的是Medium Rare, 但熟了點

最後去到Dessert, 由於我吃了4碟前菜, 加湯及 main course 後, 真的沒什麼空位了, 故我只吃了一件 Tiramisu, 它有好明顯的酒味, 好香, 而蛋糕好滑, 我喜歡

Simplylife Bakery Cafe

之前好友買了這店的 cake 到我家,   一食之下好喜歡,   因不太甜,   而且味道又夾,    所以決定一有機會一定要來試下其他食品,    由於這店並不接受電話訂位,   而且 weekday 經常人山人海.    所以我跟先生選擇了在 weekend 去金鍾的分店試一下.    這晚人不是太多,   我倆只等了 10 mins 便有位.


一走到門口,   已見好靚好吸引的蛋糕, 所以我倆都不想 order 咁多,   以免沒位食蛋糕.    所以我們各點了一個Main course,   如喜歡可多加 $30 有 extra 是日餐湯/沙律 配冰茶或汽水

我們點了一個蟹肉雜菜沙律, 花生芝麻醬及燒美國肉眼扒(10 Oz), 鼠尾草炸薯條, 燒西蘭花, 蛋黃香草醬,   由於我倆都愛西湯,  故每人加了 $30 轉餐.

Order 完一陣, 店員便送上麵包加牛油及是日特飲 - 橙青檸茶. 我一向都愛吃大法包質感的麵包,  雖然麵包並不暖, 但外脆內軟我好鐘意,  只是個人喜好.  而橙青檸茶都好 match 及清新, Like!!

是日西湯是金荀湯, 好清甜, 味道唔錯.

飲完湯後, 先來蟹肉雜菜沙律, 花生芝麻醬 - 我們沒估到咁大碟,  不同種類的沙律菜都好新鮮, 但蟹肉有點雪藏味, 有點扣分.

燒美國肉眼扒(10 Oz), 鼠尾草炸薯條, 燒西蘭花, 蛋黃香草醬 - 先生叫了7成熟,  肉眼扒燒得好香, 入口的感覺亦剛好不太生及熟, 而加了鼠尾草炸薯條分外野味.

本打算吃 cake 的我們, 到此時此刻再無空間了, 相信要下次再來.