愛吃的小傢伙: E-Kafe

今天約了好友吃飯吹水，在朋友提議下來到E-Kafe, 第一次去工廈的餐廳吃飯，感覺比想像中好。這裡的裝潢帶歐陸情懷，而坐位亦寛敞，岩曬三兩知己慢慢傾下計。

我倆叫了2個set dinner，首先來過 Salad , 裡面包括的番茄，楊桃，青瓜，加上黑醋及橄欖油，fresh!

蘑菇湯未送到上來，已聞到陣陣的香味，廚師做到有粒粒蘑菇的口感，我們好快便把它KO。

最近留意到好多廚師都用slow cook 方法去烹調，而這裡剛剛有低溫浸煮滑雞胸配黑松露芝士汁，我倆當然不會錯過，真係估不到用慢煮的方法，雞胸真係可以咁滑，一d都不似雞胸, 我倆以後一定對雞胸完全改觀，另外還加上焗秋葵，茄子，青瓜做配菜非常健康，可能係用了黑松露芝士汁，雖然芝士味不是太重，但吃完雞胸，我倆都飽了一半。

蒜油煎鲍魚菇扒伴牛肝菌黑松露意大利飯，好神奇-廚師竟然把鮑魚菇扒整到好似煎鵝肝的口感(有80%以上相似)而且好香（最重要係健康又滿足到食鵝肝的欲望），飯內加了洋蔥，牛肝菌及黑松露，而忌廉剛剛好，這裡的意大利飯好得意（外軟內卻有點硬，而好有善的侍應解釋外面餐廳的意大利飯係用真珠米造，所以口感會不同），而我個一向不愛太軟的飯，所以我反而喜歡這個意大利飯。